Tralli Hrekkjusvín 3

Ævintýrið um hann Tralla heldur áfram. Tralli fylgist vel með öllum þjóðfélagsmálum í sinni ágætu einfeldni með Halla bróður sinn sér við hlið sem segir aldrei neitt. Hann er því hvorki sammála né ósammála og því mjög hentugur félagsskapur fyrir hann Tralla. Ég verð nú að upplýsa ykkur um afhverju hann heitir TRALLI. Einu sinni átti ég kött sem hét Tralli. Þessi köttur var af svokölluðu Blue point síamskattarkyni, krúttlega breiðleitur, fagurgrár með blágrátt trýni, fætur og skott. Tralli var afskaplega skemmtilegt dýr og bráðgreindur á sinn kisulega hátt. Tralli sniðgekk ákveðið mannfólk eins og t.d. bróður minn. Ef hann kom í heimsókn þá forðaði kötturinn sér uppá fataskáp, undir sófa eða bak við sturtuhengi. Bróðir minn hafði nefnilega kynnt sig í fyrstu með því að toga í skottið á kettinum og bretta upp á trýnið. Dýr fyrirgefa víst ekki auðveldlega. Brennt barn forðast því eldinn – en ég trúi hinsvegar ekki á að “þangað sæki klárinn sem hann er kvaldastur”.

Góða skemmtun!